tg-me.com/hossaenalbasri/619
Last Update:
الحمد لله قبل حوالي سنة وكسر كعدنا كعدة شبابية بفريق جلسات فكرية وفكرنا نفتح خط جديد للعمل وية الشباب الجامعي غير عن الجلسات والمحاضرات والدورات والندوات وهي ليست جهد بسيط كما تبدو ..
فقررنا - رغم امكانياتنا المحدودة ووقتنا الضيق - ان نبدي نسوي مخيمات فكرية ومهارية وتكون مختلفة عن المخيمات الكلاسيكية اللي احنا من جنا طلاب شاركنا بيهه وبعد نقاشات مكثفة واستشارات لعقول الرجال توصلنا لخطة سنوية للمخيمات تجمع بين المادة الفكرية الدسمة اللي يحتاجها كل شاب اكاديمي وبين المهارات " انشاء مشروع تجاري ودراسة جدوى.. تسويق .. انشاء فريق تطوعي ومواجهة التحديات .. اعلام ..اسعافات اولية الخ" اللي ما تقل شأنا عن الفكر والمنطق وعلم الكلام خصوصا بهذا الوقت وتجمع بين الوناسه والفعاليات الترفيهية.. وسوينا 6 مخيمات بفضل الله وتسهيله اللي يجينا من حيث ما نتوقع بمجرد نبدي نشتغل
هذا المخيم الجاي راح يكون مختلف شوي .. ويتناول موضوع يعتبر تحدي بالنسبة النا لان بي جنبة تاريخية .. وجنبة دينية .. وجنبة اجتماعية .. وجنبة سياسية ربما .. موضوع يعتبره المرجع الاعلى من اهم واخطر المواضيع اللي ينبغي ان ما نفهمهه فهم سطحي وهو "الهوية الثقافية للمجتمع العراقي " هذا راح يكون محور وعامود المخيم القادم
راح يكون خلال عطلة نصف السنة للكليات بإذن الله
تنويه .. انا الاقل عملا بالفريق والاكثر تقصيرا وجزى الله محمد زوين اللي كان وما يزال محرك الفريق
للتسجيل على الرابط التالي
https://forms.gle/5PG9HHvBtc6wr13a9
BY ☘️ حسين البصري ☘️
![](https://photo.tg-me.com/u/cdn4.cdn-telegram.org/file/CgYIVfrKQF8Za8baHDRhjew4CYBA_-Go54xWnNiZw5obs96GUtOtO_efC5VQFaseTeg3rVO9XUICDuo5xXOjW5cEORU8YDjLWDfK6mPJ6xIZfAfuycXDmmWGch3ZRd9A0HLsbPpC-YDLFI31Ha4JVaqoh-l79eQ_iZPcfPHaqwCDoBBWojD-zIum2wPAlJ73AeCXH4PQN9oPjosgCQOmIuiI2HblYJ0QTgEJOpJiqXAF6-sn1ERkCiv87wBrLUUrWiE4PlNzBhyiCmVo11sspymOOqbhq_m0xrblXwq2EXIc9AnczNT4fuGx-xsEB_HC9INy3uW9w1wAw76nOV4k4g.jpg)
Share with your friend now:
tg-me.com/hossaenalbasri/619